Telekomunikazioko ikasleak Zentral telefonikoan. Kobretik zuntz optikora.

Lehen ADSL zen, gaur FTTH da, eta Internet eta ahotsa ez ezik, zuntz optikoak telebista ere dakarkigu era duin batean (50-300 Mbs). Aro berria bultzaka bere lekua egiten ari da eta egia esan nagusitzen ari da.
Honetarako aldaketak suertatu dira bai gure kaleetatik zuntza pasatzen zein Zentral telefonikoetan, eta guk, 2ST3ko ikasleok, Movistarreko zentral telefoniko batean izan gara. Bertan nahasten dira zuntz optikoa eta kobrezko kableak, lehengo ekipamendu zaharra bezain handia eta oraingo berria bezain txikia. Eraikin hauek hustutzen ari dira, toki libre asko dago eta lehen Telefonikakoa bakarrik zena orain beste operadorearekin (Vodafone, Jazztel, Orange, ...) partekatzen da OBA gelan.

Era atsegin batean erakutsi ziguten, instalazio berriak eta zaharrak konparatuz. Eskerrak eman nahi ditugu gurekin egon ziren Movistarreko bi langeleei bere arretagatik. 

IT2 zikloa: Erronkak gauzatuz.

ETHAZI erronketan oinarritutako ikaskuntza metodologiaren baitan lehen erronka nagusia amaitu berri dugu, Haizegu eraikineko etxebizitzetako instalazio elektriko-elektronikoa egitea. Zeregin honetan talde-lana izan dugu ardatz eta azken emaitza talde horiek eginiko lanen bateragarritasunaren baitakoa izan da. Oinarrizko Instalazio Elektrikoak eta Elektronika Aplikatua moduluetako edukiak landu dira, ikasleek proposatutako instalazioa elektrikoa egiteaz gain, hainbat elikatze iturri muntatuz etxebizitzetako beharrei erantzun nahirik.
Erronkaren azken atalean, logela batetako egiazko instalazio elektrikoa gauzatu da tabikean. Zorion izoztuak kuadrila!

Road Show, sentsibilizazio kanpainan izan gara / Road show, una nueva campaña de sensibilización llega a Irun

Trafiko Zuzendaritzak, gazteei zuzenduta, mugikortasun seguruaren inguruko sentsibilizazioa sustatzeko proiektua da Road Show. Bertan lagun arteko festa-gau batean oinarrituz, ikus-entzunezko efektuak, hainbat testigantza eta gogoeta plazaratzen dira. CIFP Bidasoa LHII-ko erdi mailako ikasleen artean IT2 zikloko lehen mailako ikasle-irakasle taldea Amaia Kultur Zentroan izan gara. Eragin emozional handiko trafiko istripuen hainbat testigantza aurkeztu zaizkigu: udaltzain batena, DYA-ko medikuarena, su-hiltzaile batena, ospitaleko medikuarena, medula-lesiodun batena eta biktima baten amarena, guztiak ere irun-Hondarribiako bizilagunak.

Un proyecto vial dirigido a jóvenes, donde se combinan efectos audiovisuales, información, reflexiones y testimonios. Road Show es una representación basada sobre todo en testimonios reales, que consiste en recrear una noche de fiesta de una persona joven que se ve involucrada en un accidente de tráfico. Es una representación multimedia en un escenario donde se combinan efectos audiovisuales, información, reflexiones y principalmente una serie de testimonios en vivo de; policía local, médico del 112, bombero, médico de hospital, familiar de víctima y persona accidentada con una lesión medular, con imágenes impactantes y sonidos envolventes.

Curso de Fibra Óptica en CIFP Bidasoa LHII

Telekomunikazio sailak zuntz optikoari buruzko ikastaro arrakastatsua eskaini du beste behin ere.

Zuntz optikoaren oinarrizko kontzeptuekin batera, zuntz optiko mota ezberdinak aztertu dira Fabrikazio: Loose /Tight eta funtzionamendu aldetik: SM eta MM. Guzti honekin batera zuntz mota bakoitzaren ezaugarri eta aplikazio eremu ezberdinak aztertu dira.

Beste alde batetik, Movistar nahiz Euskaltel zuntz optikoa etxeraino instalatzen ari den une hauetan (FTTH Fiber To The Home) ezinbesteko ezagutzak eskaintzen ditugu berariazko teknikarientzat nahiz etorkizunean lan hauetan jardun nahi duen ororentzat.

Honekin batera ICT normatibaren barruan zuntz optikoaren instalakuntza ere jorratu da, bi zuntz “mangera” ezberdinekin  monofibra eta multifibra. 

Sabino Jauregi irakasleak ikastaroa hau perfil ezberdineko langileei eskainitakoa izan da.