Erronken bidean aurrera goaz.

2014-15 ikasturtea erronketan oinarritutako ikaskuntza kolaboratiboaren abiapuntua izan da. Hasi besterik ez gara egin, bide luzea dugu aurretik, baina lehen emaitzak jaso ditugu.

Oinarri dugun Haizegu eraikinaren garajeko ate nagusia automatizatzeko beharra azaldu zitzaien eta apur bat entrenatu ostean lortutako emaitza aberasgarria izan da guztiontzat, bai ikasle eta bai irakasleentzat. Ikasleak motibatuta, egindako lanaz arro, beraien lana erakusteko gogoz ditugu, hona hemen adibide bat. Zorionak!

OFERTA PARCIAL EN "ST3: SISTEMAS DE TELECOMUNICACIONES E INFORMÁTICOS"

Telekomunikazio-Elektronika sailak, berriro ere, abian jarri du Eskaintza Partziala izenez ezagututako modalitatea "ST3: Telekomunikazio eta Informatika - Sistemak" zikloa arratsaldez ikasi ahal izateko.
Horrela, goi mailako ziklo hau hiru urtez egiteko aukera zabaldu nahi zaio goizez egitea ezinezkoa egiten zaion edonori.
Planifikazioa, urtez urte, ondorengoa da:

ERRONKA IT2 ZIKLOAN: BLOG BERRIA IKASLEENTZAT

2014/15 ikasturtean garatzen hari garen ERRONKAn, ikasleen partaidetza, proiektuarekiko ardura eta egindako lana argitaratu eta eskertzeko asmoarekin blog berria sortu dugu: "http://it2erronka.blogspot.com.es/".
Youtubeko kanala aprobetxatuz fase bakoitzaren aurkezpena ere prestatu dute eta blogetik ikus ditzakezue.
Eskerrik asko egindako lanagatik, ea proiektu hau bideragarri bezain txukuna egiten dugun.

Telecomunicaciones en el Instituto Bidasoa. Visita a la central de Vodafone en el poligono 27.

2ST3ko taldeak Vodafonera bisita:

Otsailaren 4an, telekomunikazioko 2. kurtsoko ikasleek Vodafoneko zentral batera bisita egin zuten. Zentral hau Donostiako Martutene Poligonoan 27an kokatzen da. Bisita honetan Vodafonek telefonia eta datu zerbitzua emateko duen soluzioaren azpiegitura eta kudeaketa erremintak ezagutzeko aukera izan genuen.
Hector (Bidasoako ikasle ohia) eta Juan Jose (Telekomunikazio ingeniaria) izan ziren bisitaren gidariak. Eremu zabaleko sareak nola funtzionatu eta zein teknologia mota erabiltzen duten azaldu zizkiguten besteak beste. Eskerrak eman bioi bisitarengatik. 

2ST3 taldeko ikaslean Vodafonen zentralaren atarian.

Bidasoa Institutua. Telekomunikazio eta Informatika Sistemak (ST3) zikloko ikasleak AEROSON Andoaingo estudioetan.

Urtarrilaren 14-an, Andoaingo Aeroson estudiora joan ginen ST3 telekomunikazioko bigarren mailako ikasleekin. Estudioa Andoaingo industrialde batean dago kokatua. Eskailera batzuk igo eta estudioaren sarrerara heltzen gara. Bertako hormetan ikusten dira estudioan grabatutako taldeen argazkiak, Alex Ubago tartean delarik. Paretak egurrez forratuak daude erreberberazio egokiena izan dezan estudioak. Estudioa bi geletan banatua dago bata mahaia nagusia dagoen gela eta bestea instrumentuen gela. Aitorrek, bertako teknikariak gogotsu erakutsi dizkigu estudioaren zehaztasun denak: Mikrofono mota desberdinak, nahaste mahai handi bat, grabazioetarako softwarea, efektu prozesadoreak eta abar luze bat. Gozamen bat izan da Aitorren azalpenak entzutea, urteetako esperientzia eta jakintza transmititzen duen berak esandako esaldi bakoitzak. Zalantzarik gabe oso irakasgarria izan da gure bisita. Eskerrak ematen dizkiogu, beraz, Aitor teknikariari, eta Aitor Zabaleta 2ST3-ko ikasleari, aukera hau posible egiteagatik.

Klikatu irudian album osoa ikusteko.

Irrati-komunikazio instalazioak. Lurreko antenen diseinu eta muntaia

Irratikomunikazio moduluaren barne eta Irungo irratiafizionatuen kolaborazioarekin, telekomunikazio zikloko erdi mailako ikasleak, lurreko antena mota ezberdinak diseinatu eta muntatzen aritu dira.

Diseinatutako antenak mota ezberdinetakoak izan dira: Ground plane(GP) antena bertikala, dipolo erdiko antena horizontalak eta yagi-uda motako antena direktiboak.

Praktika honen bitartez ikasleak, antena ezberdinen funtzionamendu eta parametro nagusienak aztertu dituzte eta bide batez baita ere antena bakoitzaren aplikazio eta ezaugarriak.

Antenaren muntaketa amaituta, ikasleak egin beharreko doitasunak egin dizkiete, kasu bakoitzean definitutako banda zabaleran funtzionamendu egokia izan dezan.

Kasu guztietan eraikitako antena,  bere maiztasun esparruan seinaleak modu egokian igorri eta jasotzen zituela egiaztatu da. Praktika honetan UHF bandetarako antenak eraiki dira.

Antena guztiak eraiki  ondoren klasean eztabaida sortu da, zein da antena onena kasu bakoitzean…. ikasleek lortutako ondorioak aztertzeko.

Klikatu irudiaren gainean argazki sorta ikusteko.

Instituto Bidasoa. Departamento de telecomunicaciones. Curso de seguridad en trabajos de altura.

ST3 goi-mailako 2. kurtsoko telekomunikazio zikloko taldeak "Segurtasuna altuerako lanetan" ikastaroa jaso dute Igor Lasa teknikariaren gidaritzapean. Ekintza hau, erdi mailako taldeak egin bezala, antena nahiz torretetan segurtasunez jarduteko hartu beharreko segurtasun neurriak lantzeko antolatu da. Oiartzungo polikiroldegian burutu da eta, bost orduz, segurtasun lineak, progresio teknikak, rapelak, eta igoera zuzenak aztertu eta landu dituzte.

ST3ko ikasleak "Segurtasuna altuerako lanetan" formakuntza saioan. klikatu irudian argazki-sorta ikusteko.